|
დასახელება:
დიასახლისი
|
| მომწოდებელი:
McDonald’s Georgia
|
|
გამოქვეყნდა: 28 ნოემბერი
/ ბოლო ვადა: 28 დეკემბერი
|
"მაკდონალდსი" მსოფლიოში უმსხვილესი კვების ორგანიზაციაა, რომელიც ყოველდღიურად 68 მილიონზე მეტ ადამიანს ემსახურება და საქართველოში 1999 წლის 5 თებერვლიდან ოპერირებს.
"მაკდონალდსი" კიდევ უფრო ვითარდება, ხსნის რესტორნებს, რაც გულისხმობს, რომ იზრდება კომპანია და იზრდება დასაქმების შესაძლებლობა.
გაზაფხულზე ქალაქ თელავში მაკდონალდსის ახალი რესტორანი იხსნება, რაც შესანიშნავი შანსია მათთვის, ვისაც სურს საერთაშორისო, სტაბილურ და მეგობრულ გარემოში დაიწყოს ან განავითაროს კარიერა.
მაკდონალდს საქართველო აცხადებს ვაკანსიას Hostess/დიასახლისის პოზიციაზე თელავში.
ჩვენ გთავაზობთ:
** 70% ფასდაკლება მაკდონალდსის პროდუქციაზე;
** შიდა გუნდური კონკურსები, ექსკურსია და სხვა;
** პიროვნული და პროფესიული განვითარების ტრენინგები;
** საერთაშორისო კომპანიაში მუშაობის გამოცდილება;
ანაზღაურება:
** საათობრივია და ოდენობა დამოკიდებულია თვის ჭრილში ნამუშევარი საათების რაოდენობაზე;
** საშუალო ანაზღაურება სრული სამუშაო განაკვეთის დროს შეადგენს 1200-1500 ლარს (გადასახადების ჩათვლით);
** შიდა პოლიტიკის მიხედვით პირველი ტარიფის ზრდა ხდება მუშაობის დაწყებიდან 3 თვეში, ხოლო შემდგომი ზრდა სამუშაო შედეგების გათვალისწინებით შიდა პროცედურით გაწერილი წესების მიხედვით;
** ზეგანაკვეთური სამუშაო საათების შემთხვევაში განსაზღვრულია 50%-ით გაზრდილი საათობრივი ტარიფი;
** ოფიციალური დასვენების დღეს მუშაობის შემთხვევაში ორმაგი საათობრივი ანაზღაურება;
** ბონუსი: წელიწადში ორჯერ, შესრულებული სამუშაოს შეფასების სისტემის მიხედვით. მაღალი სამუშაო შეფასების დროს, საშუალო თვიური ანაზღაურების 75%.
ძირითადი ფუნქცია-მოვალეობები:
** რესტორნის მთავარი დიასახლისის მიერ მიწოდებული რესტორნის ღონისძიებების ჩატარება;
** სტუმრებისთვის დაბადების დღის დაჯავშნა და დაჯავშნასთან დაკავშირებული ყველა პროცედურის სწორად შესრულება;
** დაჯავშნილი დაბადების დღის ჩატარება დაკვირვების საკონტროლო ბარათის ყველა პუნქტის შესრულებით;
** დაბადების დღის დარბაზის ინვენტარის აღწერა;
** ფლეილენდის სისუფთავის კონტროლი;
** მაკდონალდსის რესტორნებში და მაკდონალდსის რესტორნებს გარეთ თემატური ღონისძიებების ჩატარება.
სამუშაო პირობები:
** სრული სამუშაო განაკვეთი: კვირაში 5 სამუშაო დღე. კვირის ჭრილში სამუშაო დღეები, საათები და დასვენების დღეები წინასწარ თანხმდება თანამშრომელთან; სამუშაო საათები: ერთ სამუშაო დღეში მინიმუმ 4 სთ და მაქსიმუმ 8 სთ ცვლა (10:00-დან 22:30-მდე შუალედში).
** ადგილმდებარეობა: ქ.თელავი, შოთა რუსთაველის გამზირი #6
თუ დაინტერესებული ხარ ჩვენი ვაკანსიით და გსურს შემოუერთდე მაკდონალდსის გუნდს, შეავსე ანკეტა შემდეგ მისამართზე: https://careers.mcdonalds.ge/ge/vacancy/6925b276b2b9cd345eb0084c
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე