|
დასახელება:
გათბობა-ვენტილაცია-კონდიცირების ტექნიკოსი
|
| მომწოდებელი:
IK Consultinggeo
|
|
გამოქვეყნდა: 24 სექტემბერი
/ ბოლო ვადა: 05 ოქტომბერი
|
"IK Consultinggeo" აცხადებს ვაკანსიას პარტნიორი კომპანიისთვის, რომელიც უზრუნველყოფს კომერციულ, სამრეწველო, საცხოვრებელ კომპლექსებს და სასტუმრო შენობებს გათბობა-ვენტილაცია-კონდიცირების სისტემების უმაღლესი ხარისხის ტექნიკური მომსახურებით.
ვაკანსია: გათბობა-ვენტილაცია-კონდიცირების ტექნიკოსი
პოზიციის მოკლე აღწერა:
გათბობა-ვენტილაცია-კონდიცირების ტექნიკოსი ახორციელებს გათბობის, ვენტილაციისა და კონდიცირების (HVAC) სისტემების მონტაჟს, ტექნიკურ მომსახურებას და რემონტს, ძირითადად, კომერციულ, სამრეწველო, საცხოვრებელ კომპლექსებსა და სასტუმრო შენობებზე. მისი ამოცანაა უზრუნველყოს სისტემების ეფექტური ფუნქციონირება უსაფრთხოების და გარემოსდაცვითი რეგულაციების სრული დაცვით.
ძირითადი მოვალეობები:
** ახალი გათბობა-ვენტილაცია-კონდიცირების სისტემების მონტაჟი, მათ შორის, სავენტილაციო მილების, ელექტროგაყვანილობისა და თერმოსტატების დაყენება.
** გათბობა-ვენტილაცია-კონდიცირების სისტემების მომსახურება (მაგალითად, ფილტრების შეცვლა, ფრეონის დონის შემოწმება, კონდენსატორის ხვეულების წმენდა).
** გათბობა-ვენტილაცია-კონდიცირების სისტემებში მექანიკური და ელექტრული გაუმართაობის დიაგნოსტიკა.
** გაუმართავი მოწყობილობების, კომპონენტების ან გაყვანილობის შეკეთება ან შეცვლა.
** სისტემების ტესტირება გამართულობისა და უსაფრთხოების უზრუნველსაყოფად.
** ადგილობრივი გათბობა-ვენტილაცია-კონდიცირების კოდებისა და რეგულაციების დაცვა.
** სერვისის ზუსტი ჩანაწერებისა და ანგარიშების წარმოება.
** კლიენტებთან ეფექტური კომუნიკაცია სისტემურ პრობლემებზე, რემონტის ვარიანტებსა და პროფილაქტიკურ მომსახურებაზე.
** ყველა უსაფრთხოების პროტოკოლისა და კომპანიის პროცედურის დაცვა.
სავალდებულო მოთხოვნები:
** დამტკიცებული გამოცდილება გათბობა-ვენტილაცია-კონდიცირების ტექნიკოსად ან შესაბამის პოზიციაზე.
** გათბობა-ვენტილაცია-კონდიცირების სისტემების, ხელსაწყოების და ელექტრული კომპონენტების ცოდნა.
** ნახაზების, ტექნიკური სახელმძღვანელოების და სქემების წაკითხვის უნარი.
** ფიზიკური შესაძლებლობა - მძიმე აღჭურვილობის აწევა, კიბეებზე ასვლა და შეზღუდულ სივრცეებში მუშაობა.
** პრობლემების გადაჭრისა და კლიენტებთან ურთიერთობის უნარები.
** მართვის მოწმობა; ტრანსპორტი ჩაითვლება უპირატესობად (ამ შემთხვევაში, საწვავის ხარჯი ანაზღაურდება).
** სასურველია ფრეონზე მომუშავე სისტემების მომსახურების ოფიციალური სერტიფიკატი (წარმატებული კანდიდატებისთვის განისაზღვრება 1-თვიანი ვადა შესაბამისი გამოცდის ჩასაბარებლად და სერტიფიკატის მისაღებად).
სამუშაო გარემო:
** სამუშაო ხორციელდება როგორც შენობაში, ისე ღია სივრცეში, ხშირად, ექსტრემალურ ტემპერატურებში.
** შესაძლოა შეიცავდეს ელექტრულ რისკებს, მტვერს, ქიმიკატებსა და ხმაურს.
** აუცილებელია ინდივიდუალური დამცავი აღჭურვილობის (PPE) გამოყენება.
** სამუშაო დღეებია: ორშაბათიდან შაბათის ჩათვლით, კვირაში მაქსიმუმ 40 სამუშაო საათი.
** განსაკუთრებულ შემთხვევებში, შესაძლოა საჭირო გახდეს ზეგანაკვეთური სამუშაო, თანამშრომელთან შეთანხმებით, რაც კომპენსირებული იქნება საქართველოს შრომის კანონმდებლობის შესაბამისად.
დაინტერესების შემთხვევაში, გთხოვთ, გამოაგზავნოთ თქვენი რეზიუმე შემდეგ მისამართზე: ikconsultinggeo@gmail.com. გთხოვთ, დანიშნულებაში მიუთითოთ პოზიციის დასახელება.
განაცხადების მიღების ბოლო ვადაა 2025 წლის 5 ოქტომბერი.
ყველა შეგროვებული პერსონალური მონაცემი გამოყენებული იქნება მხოლოდ ვაკანსიის შერჩევის პროცესში და არ გადაეცემა მესამე მხარეს თქვენი თანხმობის გარეშე.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე