|
დასახელება:
ადმინისტრაციული მენეჯერი
|
| მომწოდებელი:
ათასწლეულის სკოლა
|
|
გამოქვეყნდა: 18 ივლისი
/ ბოლო ვადა: 10 აგვისტო
|
"ათასწლეულის სკოლაში" გვჯერა, რომ თითოეული ადამიანს უნიკალური შესაძლებლობები და მისწრაფებები აქვს.
ათასწლეულის სკოლა არის სკოლა, სადაც სხვადასხვა საჭიროების მოსწავლეები სკოლაშივე სწავლობენ საკუთარი შესაძლებლობების, მისწრაფებების გამოვლენასა და სასარგებლოდ გამოყენებას.
შეგიძლიათ იხილოთ ათასწლეულის სკოლის დამრიგებლებისა და მასწავლებლების მიერ განხორციელებული სასწავლო პროექტები.
"ათასწლეულის სკოლა" აცხადებს კონკურსს ადმინისტრაციული მენეჯერის პოზიციაზე.
ადმინისტრაციული მენეჯერის ფუნქციებია:
** სკოლის საქმისწარმოების წესის შესაბამისად, უზრუნველყოფს სკოლის კორესპონდენციის და საქმიანი დოკუმენტაციის წარმოებას, დახარისხებას და შენახვას;
** ადმინისტრირებას უწევს სკოლაში მოსწავლის ჩარიცხვას, მობილობის პროცესებს;
** აფორმებს ხელშეკრულებებს მოსწავლის მშობლებთან და სკოლის პერსონალთან;
** ადგენს სასკოლო სასწავლო ცხრილს და შეთანხმების საფუძველზე შეაქვს მასში პერიოდულად ცვლილებები;
** საჭიროების შემთხვევაში, აწარმოებს დაგეგმილი საგაკვეთილო საათების ჩანაცვლების ცხრილს (აღრიცხავს ჩატარებულ და გაცდენილ საათებს) და წარუდგენს შესაბამის ინფორმაციას ფინანსურ მენეჯერს;
** ადმინისტრირებას უწევს საბაზო - საშუალო საფეხურზე სკოლის ელექტრონულ ჟურნალს (Schoolbook);
** უზრუნველყოფს ელექტრონულ სისტემაში (eFlow.emis.ge/school.emis.ge) მუშაობა;
** სწავლის დაწყებამდე ინფორმაციას იძიებს ტრანსპორტით სარგებლობის მსურველთა შესახებ, აგროვებს მათ მონაცემებს და ტრანსპორტის წარმომადგენლებთან ერთად აკომპლექტებს სამარშრუტო ხაზებს. შეგროვებულ მონაცემთა ბაზას გადასცემს შესაბამისი სატრანსპორტო საშუალების გამცილებელს;
** აქტიურად თანამშრომლობს სკოლის სამეურნეო სამსახურის უფროსთან;
** მონაწილეობს სკოლის სხვა შიდა რეგულაციებით (ასეთის არსებობის შემთხვევაში) განსაზღვრულ პროცესებში.
საკვალიფიკაციო მოთხოვნები:
** უმაღლესი განათლება;
** ანალოგიურ პოზიციაზე მუშაობის მინიმუმ 1 წლიანი გამოცდილება;
** იცნობდეს კანონს ზოგადი განათლების, საქართველოს შრომის კოდექსს, ეროვნულ სასწავლო გეგმას.
გასაუბრების წარმატებით გავლის შემთხვევაში, კანდიდატი გადადის შესარჩევი პროცესების მეორე ეტაპზე, რომელიც კანდიდატისთვის ინდივიდუალურად შერჩეულ, კონკრეტული საქმიანობის შესრულებას გულისხმობს.
დაინტერესებულმა კანდიდატებმა თქვენი რეზიუმე გადმოაგზავნეთ შემდეგ ელექტრონულ მისამართზე hr@millennium-school.org. აუცილებელია რომ აპლიკანტმა პოზიციის დასახელება მიუთითოს subject-ის ველში.
დავუკავშირდებით მხოლოდ შერჩეულ კანდიდატებს. საბუთების მიღება მიმდინარეობს 10 აგვისტოს ჩათვლით.
განაცხადის გაკეთებამდე, გთხოვთ, გაითვალისწინოთ, რომ თქვენ მიერ წარმოსადგენი ინფორმაცია და დოკუმენტები შეიცავს პერსონალურ მონაცემებს, მათ შორის, შესაძლოა, შეიცავდეს განსაკუთრებული კატეგორიის მონაცემებსაც.
პერსონალურ მონაცემებს შპს "ათასწლეულის სკოლა" დაამუშავებს ვაკანტურ პოზიციაზე თქვენი კანდიდატურის განხილვის და გადაწყვეტილების მიღების მიზნით, ასევე, პოზიციაზე შერჩევის შემთხვევაში - შრომით-სახელშეკრულებო ურთიერთობის წარმოშობის მიზნით.
თქვენი რეზიუმე შეინახება განცხადების გაკეთებიდან ერთი წლის ვადით და გამოყენებული იქნება 2025-2026 სასწავლო წლის მანძილზე ვაკანტური პოზიციის წარმოშობის შემთხვევაში.
სკოლაში პერსონალური მონაცემების დამუშავების წესის და პირობების შესახებ დამატებით ინფორმაციას შეგიძლიათ გაეცნოთ სკოლის ვებგვერდზე millennium-school.org.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე