|
დასახელება:
IT მხარდაჭერის სპეციალისტი
|
| მომწოდებელი:
ჰანიველ ცემენტი
|
|
გამოქვეყნდა: 29 მაისი
/ ბოლო ვადა: 29 ივნისი
|
|
თანდართული ფაილი:
725118_AppForm_6235994.rar
|
"ჰანიველ ცემენტი" საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში და რუსთავში ასევე ცემენტის წისქვილს ფოთში და ცემენტის ტერმინალს სუფსაში. "ჰანიველ ცემენტი" კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად "ჰანიველ ცემენტი" ბეტონის 15 ქარხანას ითვლის.
"ჰანიველ ცემენტი" აცხადებს ვაკანსიას კასპის ცემენტის ქარხანაში IT მხარდაჭერის სპეციალისტის პოზიციაზე.
სამუშაო ლოკაცია: კასპი, ფარნავაზის ქუჩა N2
სამუშაო გრაფიკი: ორშაბათი-პარასკევი, 08:00-17:00 საათი.
ვაკანტური პოზიციების რაოდენობა: 1
ძირითადი მოვალეობები:
** IT ინფრასტრუქტურის და მომხმარებლების ტექნიკური მხარდაჭერის უზრუნველყოფა ადგილზე და დისტანციურად
** IT ინფრასტრუქტურის გამართული მდგომარეობის უზრუნველყოფა
** კომპუტერული ტექნიკის (PC, Laptop, Printer, Scanner და სხვა მოწყობილობების) გამართვა და მხარდაჭერა
** კომპუტერული ტექნიკის გაუმართაობის დადგენა/დიაგნოსტიკა/ აღმოფხვრა;
** IT ინციდენტებზე დროული და ეფექტური რეაგირება
** ქსელური პრობლემების პირველადი დიაგნოსტიკა
** IT ინვენტარის აღრიცხვა და კონტროლი
** მის დაქვემდებარებაში არსებული IT ინფრასტრუქტურის და ლიცენზიების შესახებ ინფორმაციის აღრიცხვა
** IT ინფრასტრუქტურის გამართული სარგებლობისთვის საჭირო დოკუმენტაციის შედგენა
საკვალიფიკაციო მოთხოვნები და უნარ-ჩვევები:
** სასურველია ბაკალავრის ხარისხი ინფორმაციულ ტექნოლოგიებში, კომპიუტერულ მეცნიერებებში ან მასთან დაკავშირებულ სფეროში
** მსგავს პოზიციაზე მუშაობის მინიმუმ 2-3 წლიანი გამოცდილება
** სასურველია Helpdesk / Ticketing სისტემებთან მუშაობის გამოცდილება
** საოფისე პროგრამების ცოდნა
** Domain Controller/Active Directory - ცოდნა
** TCP/IP, DNS, DHCP და LAN/WAN - ცოდნა
** დეტალებზე ორიენტირებული
** კომუნიკაბელური
** გუნდური მუშაობის უნარი
** ადაპტაციისა და სწავლის უნარი
კომპანიის მიერ შეთავაზებული პირობები:
** კომპანია უზრუნველყოფს უფასო კვებას
** ჯანმრთელობის კერძო დაზღვევას საუკეთესო პირობებით
** სატელეფონო ლიმიტს
** ტრენინგებს სამუშაოს კვალიფიციურად შესასრულებლად
** უფასო ტრანსპორტირებას სამსახურამდე კასპის მასშტაბით
** სრულად ანაზღაურებად დეკრეტულ შვებულებას
** ფინანსურ მხარდაჭერას ბავშვის შეძენის შემთხვევაში
თუ თქვენ დაინტერესდით ამ შესაძლებლობით და გსურთ პროფესიულად განვითარდეთ, გთხოვთ, შეავსოთ თანდართული სააპლიკაციო ფორმა და გამოგზავნოთ მისამართზე: careers@cement.ge
გთხოვთ, ელ-ფოსტის სათაურის ველში მიუთითოთ ვაკანსიის დასახელება IT მხარდაჭერის სპეციალისტი (კასპი) წინააღმდეგ შემთხვევაში, თქვენი კანდიდატურა არ განიხილება.
გისურვებთ წარმატებას!
თქვენი პერსონალური მონაცემები, რომლებიც "ჰანიველ ცემენტისთვის" ხელმისაწვდომი გახდა გამოცხადებულ ვაკანსიაზე განაცხადების განხილვისას, "ჰანიველ ცემენტის" მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.
კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს "ჰანიველ ცემენტმა" შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.
გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.
"ჰანიველ ცემენტი" კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე