|
დასახელება:
კონკურსი სასწავლო პროგრამაში მონაწილეობის მისაღებად
|
| მომწოდებელი:
პროფესიული უნარების სააგენტო
|
|
გამოქვეყნდა: 20 აგვისტო
/ ბოლო ვადა: 02 სექტემბერი
|
"საქართველოს განათლების, მეცნიერებისა და ახალგაზრდობის სამინისტროსა და პროფესიული უნარების სააგენტოს" ინიციატივით გამოცხადდა კონკურსი პროფესიული საგანმანათლებლო პროგრამების განმახორციელებელი საჯარო და კერძო დაწესებულებების პროფესიული განათლების მასწავლებლებისთვის სასწავლო პროგრამაში მონაწილეობის მისაღებად.
კონკურსის მიზანია:
ა) დარგობრივი პედაგოგიკის მიმართულებით თანამედროვე ცოდნის მიღებისა და მისი კოლეგებისთვის გაზიარების ხელშეწყობა;
ბ) მასწავლებელთა დარგობრივი ქსელების (როგორც ეროვნულ, ასევე, საერთაშორისო დონეზე) გაძლიერების ხელშეწყობა;
გ) პროფესიული განათლების ინტერნაციონალიზაციის ხელშეწყობა;
დ) პროფესიულ განათლებაში ინოვაციური სწავლების მეთოდებისა და მიდგომების დანერგვის ხელშეწყობა.
ვის შეუძლია მონაწილეობის მიღება:
კონკურსში მონაწილეობის მიღება შეუძლიათ პირებს, რომლებიც, ინფორმაციის ტექნოლოგიის მხარდაჭერის, კომპიუტერული ქსელის და სისტემების, კომპიუტერული ქსელის ადმინისტრირების, ვებ-ტექნოლოგიების, Front-end დეველოპმენტისა და პროგრამული უზრუნველყოფის დეველოპინგის შესაბამის პროფესიულ საგანმანათლებლო პროგრამ (ებ)აზე ასწავლიან პროფესიულ მოდულს.
მონაწილეთა შერჩევის კრიტერიუმები:
ა) პროფესიული განათლების მასწავლებლის პროფესიული საქმიანობის ფარგლებში ბოლო 2 წლის განმავლობაში განხორციელებული აქტივობები (ღონისძიებები, შეხვედრები, პროექტები და სხვა);
ბ) მოტივაცია;
გ) რეპლიკაციის აქტივობების გეგმა;
დ) აპლიკანტისთვის გაწეული რეკომენდაცია.
კონკურსის ეტაპები:
I ეტაპი - ტრენინგი საქართველოში (სექტემბერი, 2025)
კონკურსის ფარგლებში შემოსული განაცხადების საფუძველზე, სპეციალურად შექმნილი კომისიის მიერ შეირჩევა 50-მდე მასწავლებელი საჯარო და კერძო პროფესიული საგანმანათლებლო დაწესებულებიდან. ისინი ადგილობრივ დონეზე გადამზადდებიან თურქეთის რესპუბლიკიდან მოწვეული ექსპერტების მიერ.
II ეტაპი - სასწავლო ვიზიტი თურქეთის რესპუბლიკაში (ოქტომბერი, 2025)
პირველი ეტაპის წარმატებით გავლის შემდეგ, ტრენერების შეფასების საფუძველზე, დაახლოებით, 15 მასწავლებელი გაემგზავრება სასწავლო ვიზიტით თურქეთში, სადაც გაეცნობიან დარგში არსებულ სიახლეებსა და გამოწვევებს.
III ეტაპი - გამოცდილების გაზიარება
საერთაშორისო ვიზიტში მონაწილეობა ავალდებულებს თითოეულ მასწავლებელს მიღებული ცოდნისა და გამოცდილების გაზიარებას ადგილობრივ კოლეგებთან. რეპლიკაციის ღონისძიებები შეიძლება მოიცავდეს ონლაინ/ადგილზე ვიზიტებს, რეკომენდაციების მომზადებას და სხვა აქტივობებს.
რა არის საჭირო განაცხადის გასაკეთებლად?
კონკურსში მონაწილეობის მსურველი მასწავლებელი განაცხადის ფორმას წარადგენს შემდეგი ბმულის საშუალებით https://forms.office.com/e/d6r86YC9Q6
დაწესებულების ხელმძღვანელი პირის მიერ კონკურსში მონაწილეობის მსურველი მასწავლებლისთვის გაწეული რეკომენდაცია (სარეკომენდაციო წერილი დანართი N2-ის ფორმით წარმოდგენილ უნდა იქნეს საქმისწარმოების ელექტრონული პროგრამის Eflow-ს საშუალებით; საქმისწარმოების ელექტრონული პროგრამის Eflow-ს არქონის შემთხვევაში, გამონაკლისის სახით - სააგენტოს ოფიციალურ ელექტრონულ ფოსტაზე - info@geoskills.ge).
განაცხადების მიღების ბოლო ვადაა, არაუგვიანეს 2025 წლის 2 სექტემბერი.
დეტალური ინფორმაცია კონკურსში მონაწილეობასთან დაკავშირებით, შეგიძლიათ, იხილოთ დანართის სახით წარმოდგენილ დოკუმენტებში.
დაინტერესებულ კანდიდატებს მადლობას გიხდით კონკურსში მონაწილეობისთვის!
გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
