|
დასახელება:
HR ხელმძღვანელი
|
| მომწოდებელი:
ალგანი
|
|
გამოქვეყნდა: 19 აგვისტო
/ ბოლო ვადა: 19 სექტემბერი
|
დაცვის კომპანია "ალგანი" უსაფრთხოების უზრუნველყოფის ბაზრის ლიდერი კომპანიაა საქართველოში. 2004 წელს დაფუძნებულმა კომპანიამ - ამბიციური ხედვით, თანმიმდევრული პოლიტიკითა და პროფესიონალიზმით - შეძლო უსაფრთხოების თანამედროვე, საერთაშორისო სტანდარტების შესაბამისი სერვისები დაენერგა და შეეთავაზებინა საზოგადოებისთვის. "ალგანის" პორტფელი 11 000-ზე მეტ ორგანიზაციასა და კერძო პირს მოიცავს. დღეისათვის, კომპანიაში დასაქმებულია 1300-ზე მეტი თანამშრომელი, რომლებიც ყოველდღიურად უზრუნველყოფენ უსაფრთხოებას მთელი ქვეყნის მასშტაბით.
"ალგანი" აცხადებს ვაკანსიას HR ხელმძღვანელის თანამდებობაზე.
ადგილმდებარეობა: ქ.თბილისი, საბურთალო, გიორგი სააკაძის გასასვლელი II, N8
სამუშაო განაკვეთი: სრული განაკვეთი
საშუალო ანაზღაურება: 3, 500 ლარი Net. (ანაზღაურების ოდენობა დამოკიდებულია კანდიდატის გამოცდილებაზე)
ფუნქცია/მოვალეობები:
** კომპანიაში პერსონალის მართვისა და განვითარების სტრატეგიის შემუშავება/განახლება და პრაქტიკაში განხორციელება;
** კორპორატიული კულტურის დამკვიდრების ხელშეწყობა;
** თანამშრომელთა მოძიების, შერჩევისა და დასაქმების პროცესების მართვა;
** თანამშრომელთა სამუშაო გარემოში ინტეგრირებისთვის შესაბამისი აქტივობების დაგეგმვა/განხორციელება;
** პერსონალის მოტივაციისა და წახალისების მექანიზმების შემუშავება/დანერგვა;
** ადმინისტრაციის თანამშრომელთა თანამდებობრივი ინსტრუქციების შემუშავება/განახლება;
** ადმინისტრაციის თანამშრომელთა საქმიანობის შეფასების კრიტერიუმების განსაზღვრა და კომპანიის საჭიროებებზე მორგებული შეფასების სისტემის დანერგვა;
** ადამიანურ კაპიტალთან დაკავშირებული საჭიროებების, მათ შორის სწავლების საჭიროებების გამოვლენა და ანალიზი;
** პერსონალის პროფესიული განვითარების პროგრამების შემუშავება და დანერგვა;
** პერსონალის საინფორმაციო ბაზის მართვა;
** ადამიანური კაპიტალის მართვის თანამედროვე მეთოდებისა და ინსტრუმენტების დანერგვა/ხელშეწყობა;
** ადამიანური რესურსების მართვის პროცესში შრომის კანონმდებლობის მოთხოვნათა პრაქტიკული უზრუნველყოფა;
** ადმინისტრაციის თანამშრომელთა კონსულტირება საკადრო საკითხებთან დაკავშირებით;
** კორპორატიული ღონისძიებების დაგეგმვა და ორგანიზება გუნდურობის გაძლიერების მიზნით;
** პერსონალის პროფესიული განვითარებისა და მათი საქმიანობის ხარისხის გაუმჯობესების მიზნით, რეკომენდაციების შემუშავება და ხელმძღვანელი პირებისათვის წარდგენა;
** კომპეტენციიდან გამომდინარე, სხვა სამუშაოების მართვა და ზედამხედველობა.
საკვალიფიკაციო მოთხოვნები:
** უმაღლესი განათლება; არ შევზღუდოთ
** 2 წლიანი გამოცდილება ადამიანური რესურსების მართვის სფეროში;
** ხელმძღვანელ პოზიციაზე მუშაობის არანაკლებ 2 წლიანი გამოცდილება;
** ქართულ და ინგლისურ ენაზე წერითი და ვერბალური კომუნიკაციის უნარი;
** საქართველოს შრომის კანონმდებლობის ცოდნა;
** საოფისე და HR-ზე ორიენტირებული თანამედროვე პროგრამა/პროგრამების ცოდნა.
პიროვნული თვისებები:
** მოლაპარაკებების წარმოების უნარი;
** სტრესულ ვითარებაში გადაწყვეტილების მიღების უნარი;
** ანალიტიკური აზროვნების უნარი;
** დეტალებზე ორიენტირებულობა;
** ორგანიზებულობისა და დროის მართვის უნარი;
** გუნდური მუშაობის უნარი;
** მაღალი პასუხისმგებლობის გრძნობა;
** კომუნიკაბელურობა.
დაინტერესებულ კანდიდატებს, გთხოვთ გამოაგზავნოთ რეზიუმე შემდეგ ელექტრონულ მისამართზე: hr@algani.ge და ელექტრონული წერილის სათაურის ველში (Subject) მიუთითეთ ვაკანსიის დასახელება.
დაცვის კომპანია "ალგანში" თქვენ მიერ გაგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს.
გაცნობებთ, რომ თქვენი პერსონალური მონაცემები დაცვის კომპანია "ალგანის" მიერ დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. ასევე, თქვენ მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ან დარეზერვებული იქნას სხვა რელევანტურ ვაკანსიაზე. იმ შემთხვევაში, თუ ეთანხმებით ზემოთ აღნიშნულს, გთხოვთ, გამოგვიგზავნოთ თქვენი რეზიუმე.
დაცვის კომპანია "ალგანი" მადლობას გიხდით ვაკანსიით დაინტერესებისათვის და გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე