ჯობს.გე - აკადემიური თანამდებობები - სამართალი

აკადემიური თანამდებობები - სამართალი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: აკადემიური თანამდებობები - სამართალი

მომწოდებელი: ალტე უნივერსიტეტი

გამოქვეყნდა: 01 აგვისტო / ბოლო ვადა: 01 სექტემბერი

თანდართული ფაილი: 654880_gancxadebis_forma_6372316.zip

"ალტე უნივერსიტეტი" აცხადებს ღია კონკურსს აკადემიური თანამდებობების დასაკავებლად, სამართლისა და სოციალურ მეცნიერებათა სკოლაში შემდეგი მიმართულებებით:

1. პროფესორი

** სისხლის სამართალი - სისხლის სამართლის კერძო ნაწილი (1 საშტატო ერთეული)
** სისხლის სამართალი - სისხლის სამართლის ზოგადი ნაწილი (1 საშტატო ერთეული)
** საჯარო სამართალი - საერთაშორისო საჯარო სამართალი (1 საშტატო ერთეული)

2. ასოცირებული პროფესორი

** სისხლის სამართალი - სისხლის სამართლის პროცესი (2 საშტატო ერთეული)
** სამოქალაქო საპროცესო სამართალი (1 საშტატო ერთეული)
** სამოქალაქო სამართალი - სახელშეკრულებო, ვალდებულებითი სამართალი (1 საშტატო ერთეული).

ინფორმაცია კონკურსში მონაწილე კანდიდატებისთვის:

საკვალიფიკაციო მოთხოვნები:

1. პროფესორი, რომელიც აირჩევა 5 წლის ვადით:

** დოქტორის, ან მასთან გათანაბრებული აკადემიური/სამეცნიერო ხარისხი შესაბამის დისციპლინაში;
** სამეცნიერო-პედაგოგიური საქმიანობის მინიმუმ 6 წლიანი გამოცდილება;
** შესაბამისი მიმართულებით სამეცნიერო პუბლიკაციები და კონფერენციებში/სემინარებში მონაწილეობა;

2. ასოცირებული პროფესორი, რომელიც აირჩევა 3 წლის ვადით:

** დოქტორი ან მასთან გათანაბრებული სამეცნიერო ხარისხი შესაბამის დისციპლინაში;
** სამეცნიერო-პედაგოგიური საქმიანობის მინიმუმ 3 წლიანი გამოცდილება;
** შესაბამისი მიმართულებით სამეცნიერო პუბლიკაციები და კონფერენციებში/სემინარებში მონაწილეობის გამოცდილება;

აკადემიურ თანამდებობაზე შესაძლებელია შეირჩეს პირი პროფესიული ნიშნით თუ მისი კვალიფიკაცია დასტურდება პროფესიული გამოცდილებით, სპეციალური მომზადებით ან/და შესაბამის სფეროში გამოქვეყნებული პუბლიკაციებით და მას აქვს პროგრამით გათვალისწინებული სწავლის შედეგების გამომუშავებისათვის აუცილებელი კომპეტენცია.

პიროვნული თვისებები:

** ცოდნის გადმოცემის და ეფექტური კომუნიკაციის უნარი;
** ინიციატივიანი და მოტივირებული;
** თავისუფალი და კრიტიკული აზროვნების უნარი;
** სამართლიანი და დისციპლინირებული;
** პასუხისმგებლობიანი;
** გუნდური და კონსტრუქციული
** განვითარების მზაობა, ცოდნის გაღრმავებისთვის სხვა ადამიანებთან თანამშრომლობა;
** კვლევებისა და პროექტების ინიცირება, დაფინანსების მოძიება და კოლეგების ინსპირაცია/დაინტერესება.

კონკურსში მონაწილეობის მისაღებად წარსადგენი დოკუმენტაცია:

** განცხადება პრეზიდენტის სახელზე (იხილეთ თანდართული ფაილი);
** რეზიუმე (CV) ქართულ და ინგლისურ ენაზე;
** ბოლო 6 წლის სამეცნიერო შრომების ჩამონათვალი (სტატიების, წიგნების, მონოგრაფიების თუ სხვა სამეცნიერო შრომების შესახებ სრული ინფორმაცია, რომელიც მოიცავს: ნაშრომის სახელწოდებას, გამოქვეყნების ადგილს, თარიღს, გვერდების რაოდენობას და გამომცემლობის დასახელებას, ასევე, ნაშრომის გარე ყდის ასლებს (კონკურსის მიზნებისთვის განსაკუთრებით მნიშვნელოვანია ბოლო 6 (ექვსი) წლის მანძილზე არსებული მონაცემები (ასეთის არსებობის შემთხვევაში);
** პირადობის მოწმობის ასლი;
** კვალიფიკაციის დამადასტურებელი დოკუმენტაციის (დიპლომის) ასლები;
** სადისერტაციო თემის (არსებობის შემთხვევაში) შესახებ ინფორმაცია (თემის სათაური, მიმართულება, დარგი - თუ არ არის მითითებული რეზიუმეში);
** სამეცნიერო-პედაგოგიური მოღვაწეობის დამადასტურებელი ცნობა (არსებობის შემთხვევაში);
** სერტიფიკატები, ჯილდოები და სხვა დოკუმენტები;
** აკადემიური/სამეცნიერო თანამდებობის დაკავების მიზნით დადგენილი კრიტერიუმების შესაბამისი სხვა დოკუმენტაცია, პროფესიული გამოცდილების დამადასტურებელი დოკუმენტები.

კონკურსის ეტაპები:

** I ეტაპი - კონკურსანტების მიერ წარმოდგენილი საბუთების გადარჩევა.
** II ეტაპი - საკონკურსო კომისიასთან გასაუბრება (შესაძლებელია მოიცვას იმიტირებული ლექციის ჩატარება).

კონკურსის ვადები:

** კონკურსი გამოცხადებულია 2025 წლის 01 აგვისტოდან;
** აკადემიური თანამდებობის დაკავების მსურველთა საბუთების მიიღება 2025 წლის 1 სექტემბრიდან 3 სექტემბრის ჩათვლით;
** კონკურსის პირველი ეტაპი - საბუთების გადარჩევა: 2025 წლის 4-5 სექტემბერი
** კონკურსის მეორე ეტაპი - საკონკურსო კომისიასთან გასაუბრება: ¬ 2025 წლის 8-9 სექტემბერი (გასაუბრების ზუსტი თარიღი და დრო კანდიდატს ეცნობება კონკურსის პირველი ეტაპის გავლის შემდეგ);
** კონკურსის პირველადი შედეგების გამოქვეყნება: 2025 წლის 10 სექტემბერი;
** სააპელაციო განაცხადის მიღება: 2025 წლის 11-12 სექტემბერი;
** სააპელაციო განაცხადების განხილვა: 2025 წლის 15 სექტემბერი
** კონკურსის საბოლოო შედეგების გამოქვეყნება: 2025 წლის 16 სექტემბერი.

დაინტერესებულმა პირებმა საკონკურსო დოკუმენტაციის პაკეტი უნდა გამოაგზავნონ ელექტრონულ ფოსტაზე: vacancy@alte.edu.ge (წერილის ველში ვაკანსიის/აკადემიური თანამდებობის და მიმართულების მითითებით) ან წარმოადგინონ უნივერსიტეტში მისამართზე: ქ. თბილისი, უნივერსიტეტის ქ. N2. ადამიანების განვითარების და საქმისწარმოების დეპარტამენტში.

გაცნობებთ, რომ "ალტე უნივერსიტეტი" ახორციელებს კანდიდატის პერსონალური მონაცემების დამუშავებას, ვაკანსიაზე კანდიდატის შესაბამისობის დადგენის მიზნით, "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. ინფორმაცია კანდიდატის შესახებ, ასევე, შესაძლოა დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 3 წლის ვადით. იმ შემთხვევაში თუ გსურთ "ალტე უნივერსიტეტის" მიერ თქვენი პერსონალური მონაცემების დამუშავების შეწყვეტა, წაშლა ან/და განადგურება, ასევე მონაცემთა შესწორება, განახლება ან/და შევსება, შეგიძლიათ შესაბამისი შინაარსის განცხადებით მიმართოთ "ალტე უნივერსიტეტს".

"ალტე უნივერსიტეტი" კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის და "საქართველოს შრომის კოდექსის" მოთხოვნათა გათვალისწინებით, დისკრიმინაციის აკრძალვისა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე