სახელმწიფო სერვისების განვითარების სააგენტო

სსიპ სახელმწიფო სერვისების განვითარების სააგენტო წარმოადგენს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს. სერვისების განვითარების სააგენტოს ფუნქციაა არა მარტო საკუთარი, არამედ ზოგადად სახელმწიფო მომსახურების განვითარების ხელშეწყობა, ინოვაციური სერვისების დანერგვა საჯარო სექტორში, მოსახლეობის რეესტრის წარმოება და მუდმივი სრულყოფა, მასთან დაკავშირებული დოკუმენტების გაცემა.

სახელმწიფო სერვისების განვითარების სააგენტოს საქმიანობა პასუხობს თანამედროვე დემოკრატიული სახელმწიფოს წინაშე მდგომ გამოწვევებს. სახელმწიფო სექტორში, ინოვაციური პროექტების განხორციელებით, სააგენტო ემსახურება საზოგადოების ინტერესებსა და საჭიროებებს. შესაბამისად, სახელმწიფო სერვისების განვითარების სააგენტოს საქმიანობა საინტერესო და პრიორიტეტულია არაერთი საერთაშორისო და დონორი ორგანიზაციისთვის, რომლებთანაც სააგენტოს მრავალწლიანი თანამშრომლობის გამოცდილება აკავშირებს.

სააგენტოს საქმიანობის შესახებ დეტალური ინფორმაციის მისაღებად ეწვიეთ ვებ გვერდს: www.sda.gov.ge | www.fb.com/psda.gov.ge