ავტო ლიზინგის მენეჯერი
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია ბმულის გადაგზავნა გადაიტანე Facebook-ზე
დასახელება: ავტო ლიზინგის მენეჯერი
მომწოდებელი: თიბისი ლიზინგი
გამოქვეყნდა: 10 ნოე / ბოლო ვადა: 10 დეკ
სს "თიბისი ლიზინგი" უმსხვილესი სალიზინგო კომპანიაა საქართველოში, რომელიც დაფუძნებულია სს "თიბისი ბანკის" მიერ. კომპანია დღეისათვის ლიდერია ლიზინგის ბაზარზე 70%-იანი წილით. ჩვენი კლიენტები არიან: სამედიცინო, პოლიგრაფიული, სატრანსპორტო კომპანიები, კვებისა და გადამამუშავებელი მრეწველობის, მომსახურებისა და ვაჭრობის, აგრეთვე სოფლის მეურნეობის და სხვა სფეროებში მომუშავე კომპანიები მთელი საქართველოს მასშტაბით. კომპანია მომხმარებლებს სთავაზობს ექსკლუზიურ პირობებს სწრაფ ავტო-ლიზინგზე: ახალი და მეორადი ავტომობილების დაფინანსება - როგორც იურიდიული, ისე ფიზიკური პირებისთვისაა განკუთვნილი.

თიბისი ლიზინგი გამოირჩევა მაღალკვალიფიციური, ერთი ხედვის მქონე და მიზნისკენ შეუჩერებლად მიმავალი შეკრული გუნდით, რომლის წევრიც შენც შეიძლება გახდე! შენ გელის კომპანია, რომელიც ზრუნავს გუნდის წევრების პროფესიულ და პიროვნულ განვითარებაზე და კარიერული წინსვლის ხელშეწყობაზე. რაც მთავარია, სამუშაო გარემო კომპანიაში მუდმივად დინამიურია: "თიბისი ლიზინგი" სისტემატიურად ავითარებს ახალი პროდუქტებს და მიმართულებებს - შემოგვიერთდი და გაგვიზიარე შენი იდეები!

სს "თიბისი ლიზინგი" აცხადებს ვაკანსიას ავტო ლიზინგის მენეჯერის პოზიციაზე.

მდებარეობა: თბილისი
სამუშაო განაკვეთი: სრული (ორშაბათი - პარასკევი)
სამუშაო საათები: 09:30-18:30 (შესვენება 1 საათი)
სახელფასო განაკვეთი: ხელზე ასაღები 500 ლარი (პლიუს ბონუსი - ყოველ გაცემულ ავტომობილზე 50 ლარი)

ასევე, ჩვენთან დასაქმების შემთხვევაში გთავაზობთ:

** ჯანმრთელობის დაზღვევას;
** დანაზოგის შექმნას საპენსიო ფონდისთვის;
** თანამშრომლისთვის განკუთვნილ სპეციალურ შეთავაზებებს სხვადასხვა პროდუქტებზე;

საკვალიფიკაციო მოთხოვნები:

** უმაღლესი განათლება (სასურველია ბიზნესის, ეკონომიკის ან ფინანსების მიმართულებით);
** მსგავს პოზიციაზე მუშაობის მინიმუმ 1 წლიანი გამოცდილება;
** ინგლისური და რუსული ენების სასაუბრო დონეზე ცოდნა;
** საოფისე პროგრამების ცოდნა;

ძირითადი ფუნქცია-მოვალეობები:

** გაყიდვების მიზნით კლიენტების მოძიება და შეხვედრების ორგანიზება;
** დაინტერესებული კლიენტების ბაზის შექმნა და კონტროლი;
** კლიენტისთვის ლიზინგის პირობების გაცნობა და შეთავაზებების გაკეთება;
** დაინტერესებული კლიენტებისგან საჭირო მონაცემების მიღება; მიღებული მონაცემების ხარისხის და შესაბამისობის კონტროლი;
** ავტოსალონებთან ურთიერთობების გაღრმავება კომპანიის სახელით;
** განაცხადის მომზადება და პროექტის დამტკიცება რისკების მენეჯერთან;
** პროექტის გაცემასთან დაკავშირებული პროცედურების გავლა და დოკუმენტაციის გაფორმება;
** არსებული და პოტენციური კლიენტების სერვისი, მათი საჭიროებების მიხედვით კოორდინაცია განყოფილებებში;

დამატებითი უნარ-ჩვევები:

** ანალიტიკური აზროვნება;
** პასუხისმგებლობის მაღალი გრძნობა;
** მოლაპარაკების წარმოების უნარი;
** სტრესულ სიტუაციაში მუშაობის უნარი;
** დეტალებზე ორიენტირებულობა;
** კეთილგანწყობა/პოზიტიურობა

დაინტერესების შემთხვევაში გამოგვიგზავნეთ თქვენი რეზიუმე შემდეგ მისამართზე: vacancy@tbcleasing.ge და გთხოვთ, სათაურის ველში მიუთითეთ ვაკანსიის დასახელება.
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია ბმულის გადაგზავნა გადაიტანე Facebook-ზე