რისკების მართვისა და კონტროლის განყოფილების მთ. სპეციალისტი
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია ბმულის გადაგზავნა გადაიტანე Facebook-ზე
დასახელება: რისკების მართვისა და კონტროლის განყოფილების მთ. სპეციალისტი
მომწოდებელი: საქართველოს ეროვნული ბანკი
გამოქვეყნდა: 10 ნოე / ბოლო ვადა: 22 ნოე
საქართველოს ეროვნული ბანკი აცხადებს ვაკანსიას ფინანსური ბაზრების დეპარტამენტის რისკების მართვისა და კონტროლის განყოფილების მთავარი სპეციალისტის თანამდებობაზე.

ფუნქცია-მოვალეობები:

** საერთაშორისო რეზერვების რისკების მართვის პროცესში წარმოქმნილი საბაზრო, საკრედიტო და ლიკვიდურობის რისკების შეფასებისა და მართვის პროცესების გაუმჯობესება მსოფლიოს წამყვანი მეთოდებისა და მიდგომების დანერგვით;
** სახელმწიფო, სახელმწიფო სააგენტოების, საერთაშორისო ფინანსური ინსტიტუტებისა და საბანკო დაწესებულებების მიერ ემიტირებული ინსტრუმენტების საკრედიტო რისკების რაოდენობრივი შეფასების მოდელების შემუშავება, ვალიდაცია და დანერგვა, მათი დეფოლტის ალბათობის გამოთვლისა (PD, LGD) და შესაბამისი საკრედიტო რეიტინგების მინიჭების მიზნით;
** საგარეო რეზერვების სტრატეგიული აქტივების განაწილების პროცესის უზრუნველყოფა საერთაშორისო რეზერვების შემოსავლიანობის/რისკიანობის მოდელირებისა და პორტფელის ოპტიმიზაციის მეშვეობით (Fixed Income Asset Return Modeling and Portfolio Optimization);
** საგარეო რეზერვების შემოსავლიანობის ფაქტორული დეკომპოზიციის მოდელის შემუშავება, დანერგვა და მხარდაჭერა (Fixed Income Performance Attribution).

მოთხოვნები:

** მაგისტრის ხარისხი ფინანსებში შემდეგი სპეციალიზაციით: ფინანსები, ფინანსური რისკები, ინვესტიციები, ფინანსური მოდელირების რაოდენობრი მეთოდები ან სხვა სპეციალიზაცია რაოდენობრივი ფინანსების სფეროში (Quantitative Finance);
** 3-4 წლიანი გამოცდილება უცხოურ ფასიან ქაღალდებში (სხვადასხვა ტიპის ობლიგაციები და საპროცენტო დერივატივები) ინვესტირების დროს წარმოქმნილი რისკების მოდელირებისა და მართვის სფეროში;
** პორტფელური ინვესტიციების და ფინანსური რისკების შეფასებასა და მართვასთან დაკავშირებული მეთოდებისა და მიდგომების ცოდნა;
** VBA-სა და Excel-ის ცოდნა ფასიანი ქაღალდებისა შემოსავლიანობისა და რისკების მოდელირების კუთხით;
** ინგლისური ენის სრულყოფილად ცოდნა.

სასურველია ჰქონდეს შემდეგი გამოცდილება:

** ფიქსირებული შემოსავლიანობის ინსტრუმენტებისაგან შემდგარი პორტფელის აქტივების განაწილების (FI Asset Allocation) მეთოდების სიღრმისეული ცოდნა და მათი გამოყენების გამოცდილება (მ.შ. პორტფელის ოპტიმიზაციის სხვადასხვა მეთოდების);
** უცხოური ობლიგაციებისა და საბანკო დაწესებულებების საკრედიტო რისკების რაოდენობრივი შეფასების სხვადასხვა მეთოდების ცოდნა და მათი დანერგვის გამოცდილება;
** უცხოური ობლიგაციებისა და საბანკო დაწესებულებების საკრედიტო რისკების რაოდენობრივ შეფასების სხვადასხვა მეთოდოლოგიების ცოდნა და მათი დანერგვის გამოცდილება;
** გამოცდილება ფასიანი ქაღალდებისა და დერივატივების ფასწარმოქმნისა და რისკების შეფასების მოდელების შექმნის, ვალიდაციასა და დანერგვაში;
** გამოცდილება პორტფელური აქტივებისა და რისკების მართვის პროგრამული უზრუნველყოფის პროექტების მართვისა და დანერგვის სფეროში;
** სერთიფიცირება: FRM / PRM / CQF / CFA;
** ერთ-ერთი პროგრამირების ენის საშუალო დონეზე ცოდნა: MatLab ან R;
** RiskMetrics-ის და CreditMetrics-ს მეთოდოლოგიის საფუძვლიანი ცოდნა;
** რუსული ენის სასაუბრო დონეზე ცოდნა.

დამატებითი მოთხოვნები:

** პასუხისმგებლობის მაღალი გრძნობა და კეთილსინდისიერება;
** კომუნიკაბელურობა და გუნდური მუშაობის უნარი;
** ორგანიზაციული უნარ-ჩვევები, დაგეგმვისა და სამუშაო დროის ოპტიმალურად განაწილების უნარი;

თანამდებობრივი სარგო - 4020 ლარი (დარიცხული)
კონკურსის ფორმა: კონკურსი ჩატარდება ინტერვიუს სახით.

დაინტერესების შემთხვევაში გთხოვთ, 2017 წლის 22 ნოემბრამდე მითითებული ბმულის მეშვეობით -
https://www.hr.gov.ge/JobProvider/UserOrgVaks/Details/45773?active=1 გამოგვიგზავნოთ აპლიკაცია.
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია ბმულის გადაგზავნა გადაიტანე Facebook-ზე